19TH ANNIVERSARY

Minamahal naming mga Kamay-ari,

Malugod nating ipinagdiriwang ang ika-19 taon ng Global Trustees Multi-Purpose Cooperative (GTMC) — labing-siyam na taon ng pagtutulungan, malasakit, at patuloy na pag-unlad!

Ngayong taon, ating ginugunita ang anibersaryo sa temang “Pagkakaisa, Pag-asa, at Pag-asenso – Isang Kooperatibang Patuloy na Umuunlad, para sa Bawat Miyembro!” Isang paalala na sa ating pagkakaisa, patuloy tayong nakakahanap ng pag-asa at inspirasyon upang sabay-sabay na umasenso tungo sa mas maginhawang kinabukasan.

Sa loob ng halos dalawang dekada, pinatunayan nating sa pagkakaisa, walang hamon na hindi kayang lagpasan. Sa bawat pagsubok, nariyan ang ating pag-asa na nagiging gabay sa pag-abot ng mga pangarap. At sa ating pag-asenso, natatamasa natin hindi lamang ang pag-unlad ng ating Kooperatiba, kundi pati na rin ng bawat miyembro at pamilya.

Ang ating tagumpay ay bunga ng pagkakapit-bisig, pagtitiwala, at dedikasyon ng bawat isa. Sa ating ika-19 anibersaryo, patuloy tayong maglakbay tungo sa mas maliwanag na bukas — isang Kooperatibang patuloy na umuunlad, para sa kapakanan ng bawat miyembro.

Maraming salamat sa inyong walang sawang suporta at tiwala. Nawa’y manatili sa ating puso ang tunay na diwa ng kooperatibismo — para sa kapwa, para sa komunidad, at para sa kinabukasan.

Mabuhay ang GTMC!

Mabuhay ang bawat kasaping patuloy na nagbibigay-buhay sa ating Kooperatiba!

-GTMC Board of Directors and Officers